പുറത്ത് മഴയുടെ വെള്ളിനൂലുകള്‍ പട്ടുകുപ്പായങ്ങള്‍ തുന്നുന്ന ഒരു തണുത്ത
പ്രഭാതം . ഇങ്ങനെയുള്ള ദിവസങ്ങളില് എന്നും ചെയ്യുന്നത് പോലെ ഒരു ബ്ലാങ്കട്ടുമെടുത്തു
തലവഴി മൂടിപ്പുതച്ചു കിടന്നുറങ്ങുകയായിരുന്നു എല്ലാവരും.
"കീയോം....കീയോം "..എന്താണിത്? എല്ലാവരും തലയുയര്‍ത്തി നോക്കി .
കുറച്ചു കോഴിക്കുഞ്ഞുങ്ങള്‍ ഞങ്ങളുടെ പൂട്ടിയിട്ട വാതിലിനടിയിലൂടെ
റൂമിലേക്ക് നുഴഞ്ഞു കയറിയിരിക്കുന്നു. ഓഹോ.. കൊള്ളാം.നല്ല കാഴ്ച തന്നെ
.ഒരു മിനിട്ട് !!.എല്ലാവരും പിന്നെയും പഴയ പടി കിടന്നുറങ്ങാന്‍ തുടങ്ങി . കുറച്ചു
കഴിഞ്ഞപ്പോള്‍ കുറച്ചു കോഴിക്കുഞ്ഞുങ്ങളുടെ "കീയോം..കീയോം നിലവിളികളും
അതിന്റെ പുറകെ ഭരണിപ്പാട്ട്കളുടെ ഭാണ്ടക്കെട്ടഴിച്ചു കൊണ്ടു നമ്മുടെ
കഥാപാത്രം കുതിക്കുന്ന കാഴ്ചയും എല്ലാവരെയും വീണ്ടും ഉണര്ത്തി.
(അദ്ദ്യേഹം ഒരു ഭരണിപ്പാട്ട് വിദഗ്ദ്ധനും കൂടിയാണ് കേട്ടോ.... അത്
പിന്നെ !!!!). ഇതെന്തു കഥ!! .. സാധാരണ ഗതിയില്‍ ഉറക്കത്തില്‍ ഒരു തേങ്ങ
കൊണ്ടു വന്നു ആ ദേഹത്തിന്റെ തലയിലെറിഞ്ഞു പൊട്ടിച്ചാല്‍ കൂടിയും
ഉണരത്തവനാണ് ഇത്തിരിപ്പോലും ഇല്ലാത്ത കോഴിക്കുഞ്ഞുങ്ങളുടെ പുറകെ
അലറിവിളിച്ചു കൊണ്ടു ഓടുന്നത്. "എടേ നിനക്കു വട്ടായോ? ".. ആരോ ചോദിച്ച
ചോദ്യത്തിനുത്തരമായി അവന്‍ ഇത്ര മാത്രം പറഞ്ഞു " കുറെ സമയമായി മഴ
പെയ്യുന്നു .ഇതാണ് കൈയിലിരിപ്പെങ്കില്‍ ഇവറ്റകളൊക്കെ ഈ മഴ വെള്ളത്തില്‍ വീണു ചത്തു പോകേയുള്ളൂ !!.ഹും ...അവന്‍ തിരിച്ചു നടന്നു "..!!!! ഇപ്പൊ പറഞ്ഞതു അതിന്റെ
ശെരിയായ വേര്‍ഷന്‍ അല്ല കേട്ടോ ...ശെരിയായ വേര്‍ഷന്‍ കേള്‍ക്കണോ ?
"കൊറച്ച് സംയായിട്ട് മയ പെയ്നീണ്ട് ..ഇന്ഗനെന്കില് ഈയൊക്കെ മയെത് ബീണ് ചത്തു പൌം "
(പുള്ളി ഒരു തലശേരിക്കാരനാണ് !!മലയാളം തന്നെ ആയിരുന്നു !!!)
എന്തോ കാര്യമായി സംഭവിച്ചിട്ടുണ്ട്. ഞങ്ങളുടെ ചാരന്‍,വ്യാരി അപ്പുറത്തെ
മുറിയിലേക്ക് വച്ചടിച്ചു . അവിടെ നമ്മുടെ കഥാപാത്രം കോഴിക്കുഞ്ഞുങ്ങളെയും
തെറി പറഞ്ഞു കൊണ്ടു ഒരു തുണിയെടുത്ത് തലയിലോക്കെ തുടയ്ക്കുന്നു. ഹൂ....ഹഹഹ ...ഹയ്യോ!!!!!!...അലറിച്ചിരിച്ചു കൊണ്ടാണ് നമ്മുടെ വ്യാരി തിരിച്ചെത്തിയത് .....
അപ്പോഴാണ് കാര്യങ്ങളുടെ ചുരുള്‍ നിവരുന്നത്.അങ്ങോട്ട് പോയ കോഴിക്കുഞ്ഞുങ്ങളിലോന്നു അത്യാവശ്യം
പ്രഭാത കര്മങ്ങളൊക്കെ അവന്റെ തലയില് നിര്‍വഹിച്ചിരിക്കുന്നു .
ഹൂ ...ഹഹഹ ഹീയോ !!!!...അവിടെ ചിരിയുടെ ഒരു തൃശൂര്‍ പൂരം തന്നെ അരങ്ങേറി...
കുറച്ചു കഴിഞ്ഞു എല്ലാവരും അവരവര്ക്ക് കിട്ടിയ ജീന്‍സും
ഷര്ട്ടുമൊക്കെ എടുത്തിട്ട് ഉച്ചഭക്ഷണത്തിന് പോകാന്‍ തയ്യാറായി.(ഒന്നു
പറയാന്‍ വിട്ടു പോയി.. രാവിലത്തെ ഭക്ഷണം ഒഴിവാക്കാന്‍ കൂടിയാണ്
കേട്ടോ ,ആ ഉറക്കം .ഉച്ച വരെ...അത്രേം പറ്റു കാശ് കുറഞ്ഞു കിട്ടുമല്ലോ!!!!!)
.അപ്പോഴാണ് അപ്പുറത്തെ വീട്ടിലെ സ്ത്രീ അത്ര പന്ദിയല്ലാത്ത
ഒരു മുഖഭാവത്തോടെ ഞങ്ങളുടെ വീട്ടിലേക്ക് കയറി വന്നത് .
".ദൈവമേ !!!ഇന്നെന്താണാവോ? "..കാര്യം അവരപ്പോള്‍ തന്നെ പറഞ്ഞു.
അവരുടെ ഒരു കോഴിക്കുഞ്ഞിനെ കാണാനില്ല . അത് രാവിലെ ഞങ്ങളുടെ
വീട്ടിലേക്ക് കയറി വരുന്നതു അവര്‍ കണ്ടിട്ടുണ്ട് . തിരിച്ചു ചെന്നപ്പോള്‍
ഒന്നു കുറവ്. ഞങ്ങള്‍ സംശയത്തോടെ സ്വാമിയെ നോക്കി.. ഹേയ് ..ഞാനൊന്നും
ചെയ്തില്ലെന്ന മുഖഭാവത്തോടെ അവന്‍ ഞങ്ങളെയും നോക്കി. "നമുക്കു നോക്കാം
"...അവന്‍ തന്നെ ആണത് പറഞ്ഞതു. എല്ലാവരും ഓരോ വഴിക്ക് നോക്കാന്‍
തുടങ്ങി. ഒരു അഞ്ചു മിനിട്ടു കഴിഞ്ഞു കാണും . "ഒന്നിങ്ങു
വന്നെ!!! ...." പോസ്റ്റ് ആണത് വിളിച്ചത്. ഞങ്ങളൊക്കെ അങ്ങോട്ട് ചെന്നു
നോക്കി. കണ്ട കാഴ്ച അതി ദയനീയമായിരുന്നു ..... രാവിലെ നമ്മുടെ കഥാപാത്രം
തെറി അഭിഷേകം നടത്തിയ കോഴിക്കുഞ്ഞുങ്ങളിലോന്നു ഒരു ബക്കറ്റില്‍ നിറഞ്ഞ മഴ
വെള്ളത്തില്‍ ചത്തു കിടക്കുന്നു... ഹൊ!!!!... അന്ന് മുതല്‍ എല്ലാവരും
സ്വാമിയില്‍ നിന്നു ഒരു പ്രത്യേകം അകലം പാലിക്കാന് തുടങ്ങി...അറിയാതെ...എന്തെങ്കിലും ആ
വായില് നിന്നു പുറത്ത് ചാടിയാല്‍.... ആ കോഴിക്കുഞ്ഞിന്റെ ഗതി തങ്ങള്ക്കും വരുമെല്ലോ
എന്നോര്‍ത്ത്!!!!!....
സ്വാമിയുടെ പ്രവചനങ്ങളുടെ അദ്ഭുതകരമായ വിശേഷങ്ങളുമായി അടുത്ത തവണ വീണ്ടും ...........
2 comments:
(ഒന്നു
പറയാന്‍ വിട്ടു പോയി.. രാവിലത്തെ ഭക്ഷണം ഒഴിവാക്കാന്‍ കൂടിയാണ്
കേട്ടോ ,ആ ഉറക്കം .ഉച്ച വരെ...അത്രേം പറ്റു കാശ് കുറഞ്ഞു കിട്ടുമല്ലോ!!!!!)....
ഇതു അപ്പൊ ഒരു ഗ്ലോബല്‍ ആശയം ആണ് അല്ലെ.....ഞാന്‍ കരുതിയത്‌ ഇതു ഞങ്ങള്‍ ആണ് കണ്ടു പിടിച്ചത് എന്ന്....
Keep on writing...
Kozhikunjungalkku vare ariyam entha ivanmareyokke cheyyendathennu.
Post a Comment